එකම ගඟ වෙමි.. සයුර නුඹ සොයා ඇදෙමි.. .. ..

දොල පාරයි මා පෙර දවසා
මහ සයුරට නුඹ පෙම් බදිනා
හෙමිහිට හෙමිහිට කඳු මුදුනා
මත්තක හිදගෙන ඇද හැලුනා..

වසරෙන් වසරට මා ගැලුවා
සැඩ දිය ගෙනියන ඔය හැදුවා
සයුරේ ලස්සන හිත මැවෙනා
ගල් පර කඳු හෙල් මත ගැලුවා..

නයිල් දියට වැඩි දුර ගලලා
ප්‍රේමය නම් ගග දිය තැනුවා
නොනවත්වා මා පෙර ඇදෙනා
ආදර දිය පිරි ගග ගලනා..

ගං දිය මහ සයුරට හරවා
ලස්සන ලස්සන රළ හදලා
සයුරේ ගඟ ලෙස නම් වීලා
ඉන්නට මා එමි තව ගලලා..

මහ සයුරට මතු තුරුලු වෙනා
සිහින නිසා ගඟ තව පිරෙනා
සයුරු තෙරට වී ලඟ හිදිනා
දවසක් එනතුරු මා ගලනා.. 

සිංහල අලුත් අවුරුද්ද.. .. ..

"එරබදු මල් නැකතින්
පැතුමන් මුල පුරන්නම්
හිනැහුනු පෙම් හිතකින්
කලියෙන් සුභ පතන්නම්.. "

ආදරණීය මගෙ සුදු මැණික,,
ඉතින් මේ අවුරුද්දටත් මගෙ සුදු මැණිකට පොඩි තෑග්ගක් හදන්න හිතුනා.. ඉතින් මේක හරීම පොඩි එකක්.. ලස්සනයිද දන්නෙ නෑ.. ඉතින් මගෙ මැණිකට තෑගි දෙන්න,, glass cup අරගෙන paint  කලා..
මේ තියෙන්නෙ paint කරන්න කලින් ගත්ත විදිය..

මේ තියෙන්නෙ paint  කලාට පස්සෙ.. ඉතින් ලස්සන නැතුව ඇති.. මගේ cam  අවුල් නිසා photos  හරියට පේන්නෙත් නෑ..

ඉතින් මං මේක තියාගෙන ඉන්නවා..
මගෙ සුදු මැණික මගේ උනු දවසක,, මේක පිරෙන්නම milk coffee  හදා ගෙන,, සුදු මැණික එක්ක බෙදාගෙන බොන්න ඕනි.. ඉතින් ඉස්සෙල්ලම බොන්නෙ මගෙ සුදු මැණික.. ඉතුරු බාගය මට ඕනි.. ඉතින් එනව නේද දවසක මගේ වෙලා.. .. .. මං බලාගෙන ඉන්නවා..

ආදරෙයි ගොඩාක්ම ගොඩාක්.. මං ආදරෙයි මගෙ සුදු මැණික.. මගෙ සුරංගනාවිට ගොඩාරියක්ම ආදරෙයි.. මං ආදරෙයි..

මගේ සුදු මැණිකට,,
ලස්සනම ලස්සන,,
හැඩකාර,,
සිහින දකින හැම දෙයක්ම හරියන,,
ගොඩාක්ම සාර්ථක,,
ආදරය ගොඩාක් ම ලැබෙන,,
සතුටු මල් වැහි වැටෙන,,
ලස්සන සිනහව පිරුණු,,
අලුත් අවුරුද්දක් වේවා.. .. ..

වසන්තය..

වචන පොඩිත්තෙන් මාගේ සවනට
කන් කලු වේ නම් ජීවිතයේ
අමෘත රස හිමි සවන සොයන වැකි
දෙව්ලිය හඩ මට නෙතු මානේ..

සිනහ දසන්තෙන් මාගෙ දෙනෙතට
මල් පිපිදේ නම් ජීවිතයේ
සදුන් සුවද පිරි දසුන් දිලෙන සිරි
නදුන් උයන මට නෙතු මානේ..

සිහින වසන්තෙන් මාගේ දෑතට
නුඹ එනවා නම් ජීවිතයේ
සතුටු මලින් පිපි සිනහ මලින් පිරි
වසන්තයකි මට නෙතු මානේ..