හීනයක් ලියන්නම්.. ආදරෙයි කියන්නම්

හීනයක් ලියන්නම්.. ආදරෙයි කියන්නම්

රෝස මල නුඹ මගේ..

නුඹට ලියන වග නම්.. ..

දන්නවද මගේ ආදරය..

රතූ පාට
නිල් පාට
පාට පාට
නැති උනාට..
කළු ලෑල්ලක
ඕන පාටකින්
ලියන්න පුළුවන් කියලා.. ..

ළග පාත
නෙතූ ගාව
නුඹ මෑත
නැති උනාට..
සිතුවිල්ලක
ඕන වෙලාවකින්
ලං වෙන්න පුළුවන් කියලා.. ..

හැම වසරට සොඳුරුම දින - සුභම සුභ උපන් දිනයක් වේවා මගෙ සුදු මැණිකට.. .. ..

රැයක අහසේ තරු නෙලා
හමන සිහිලේ ගෙන වෙලා
පතමි සොදුරේ ලං වෙලා
සුභම උපතේ දින කියා

පිපුණ කුසුමේ පැර දෙනා
සුවද දසතේ හැම ගලා
නුඹගෙ කොපුලේ හිනැ හිලා
සිනහ ඉතිරේ දිවි පුරා

පැතුම් වැපිරේ විහි දිලා
වැඩෙයි පදුරේ පැල වෙලා
මඩින කමතේ බැත ලෙසා
සපල ගෙනදේ බෝ වෙලා

සිතුම් අහසේ හිරු ලෙසා
එළිය ගෙනදේ ඉටු වෙලා
නිබද අරුණේ එන ලෙසා
සැවොම ඉටුවේ සිතු ලෙසා

දිනක නොසිදේ සමු දුරා
දවස දවසේ තිර වෙනා
ලෙසට නුඹගේ ලොව වටා
සතුට නිතිවේ පිබි දිලා

සිතෙහි හැමදේ නුඹ නිසා
සතුට සෙනෙහේ ගෙන තියා
ලියමි මිහිරේ සුභ පතා
සුභම උපතේ දින කියා..